كشفـــت الفنانـــة سوسن بدر العديد من أسرار حياتها الشخصية والفنية ومرحلة النضح الفني، وكيفية تعاملها مع عامل الزمن وتأثيره في أدوارها الفنية، موضحة أنها قررت عدم خوض معركة مع التقدم في العمر، محددة الموعد الذي من الممكن أن تعتزل فيه الفن، وقالت: «أنا ست عادية وبحب شغلي ومهنتي جدا، لأن دي جزء من حياتي ونجحت بيها ومنها وعرفت الناس، ولو أنا في اللحظة اللي هحس بيها إني نضجت فنيا هقعد في بيتي، هدور على إيه تاني؟ وحقيقة وواقع الأمر أنا فعلا لسة موصلتش للنضح الفني، قدامي حاجات كتير عايزة أعملها». وتابعت بدر، خلال حلولها ضيفة على برنامج «كلام نواعم»: «عمري ما فكرت أبقى غنية، وأنا كنت من عيلة من طبقة متوسطة، بس مكنش حلمي الغنى ولكن كان حلمي أبقى ممثلة كويسة».
وعن كيفية تعاملها مع الزمن والتقدم في السن، علقت: «الست بتستنزف في معركتها مع الزمن ومش هتكسب ومينفعش تكسب، وأنا اكتشفت اللحظة دي إن ليه أتعارك مع الزمن ما آخده صديق وضيف بيجي كده».