القاهرة - محمد صلاح
كشفت الفنانة عائشة بن أحمد، عن الفيلم الذي حببها في السينما ودخول التمثيل، مؤكدة أن الفنان خالد النبوي سبب كبير في دخولها المجال، وأوضحت: «فيلم المهاجر هو اللي حببني في السينما، وأبويا هو اللي وداني السينما وقتها عشان أتفرج، وقولت إيه العالم ده والصورة الحلوة دي والممثلين الهايلين دول، عمري ما هنسى وش خالد النبوي في الفيلم، وفي تونس بيحبوه جدا، وأول مرة شوفته روحت قولتله أستاذ خالد ممكن أتصور معاك، واشتغلت معاه بمسلسل نزوة».
وعن الموضة وعالم «البراندات»، شددت عائشة، خلال حلولها ضيفة على برنامج «أسرار النجوم»، على رفضها لفكرة أن الملابس يجب أن تكون من الماركات العالمية، وقالت: «معنديش عقدة من إني أكرر لبس الاوت فيت في أكتر من مناسبة وهوس أني البس براندات، الحياة أبسيط من كده بكتير، الناس اللي تفكيرها كده سطحية، لو حاجة عجباكي وانتي عاوزة تجيبها تمام، لكن مش لازم تبقي لابسة كده علشان المنظرة».