القاهرة - محمد صلاح
تحدثت الفنانة يسرا اللوزي عن رأيها في الجيل الجديد من الممثلين، وطريقة تعاملهم مع الأمور المختلفة، مشيرة إلى أنها ترى أن لديهم بعض المفاهيم الخاطئة للأمور، وقالت: «الجيل الجديد مش عارفين أصول الشغلانة، في حاجات تصح وحاجات متصحش، شهرة السوشيال ميديا سريعة يعني النهاردة مش معروف وبكره معروف أوي».
وتابعت اللوزي، خلال استضافتها في برنامج «أسرار النجوم»، الذي يبث عبر إذاعة «نجوم إف إم»: «فجأة الشخص بقى شايف نفسه حاجة، الشخص دا ضحية لأن الموضوع بيضرب في دماغه وبيجيله جنون العظمة، الناس دي بتروح في حتة غلط، وبيعملو شغل وحش ورافضين يذاكرو ومبيحترموش الخبرة، الجيل دا محتاج يقعد مع الجيل الأكبر منه قبل ما يروح ويشوف بيتعامل ويشتغل إزاي».
وعن تفاصيل مشاركتها في فيلم «صقر وكناريا»، قالت يسرا اللوزي: «الفيلم جالي فجأة بعد شهر رمضان، وحبيت إني أشارك فيه، ودي أول مرة أشتغل مع المخرج حسين المنباوي، وأول ما عرفت أني هبقى مع شيكو افتكرت أيام فيلم (بنات العم) الجميلة».