القاهرة - محمد صلاح
كشفت الفنانة هنا الزاهد عن السبب الحقيقي لاتخاذها قرار الغياب عن الموسم الدرامي الرمضاني المقبل، مؤكدة أن الغياب يرجع لأسباب فنية، لأنها تحرص على تقديم أعمال قوية ومميزة للجمهور، وقالت: «أنا قدمت مسلسل «إقامة جبرية» هذه السنة وكان قوي جدا والناس اتخضت من التمثيل والقصة، فماينفعش أعمل في رمضان حاجة أقل من المستوى ده، والورق اللي كان بيجيلي ماكنش عاجبني، وأنا عاوزة أقدم حاجة مختلفة وجديدة وأخض الناس تاني».
وأشارت الزاهد، خلال لقائها مع برنامج «ET بالعربي»، إلى أنها تفضل انتظار فرصة مناسبة لتقديم عمل فني جديد يليق بجمهورها، وأنها تركز حاليا على اختيار أعمال مبتكرة تبرز قدراتها الفنية وتكون مختلفة عما قدمته سابقا.
وكانت هنا الزاهد قد كشفت في تصريحات على هامش تكريمها في الدورة العاشرة من مهرجان «ضيافة» عن تعاملها مع الإعجاب، وقالت: «لما أكون معجبة بحد، أتعامل معاه وحش جدا، علشان ما أظهرش له اللي جوايا، مش ببين إعجابي أبدا، ومعنديش وقت للتسلية، الوقت كله للشغل»، ووجهت رسالة تهنئة إلى الفنانة مي عز الدين بزواجها، قائلة: «عايزة أقول لمي مبروك كنتي زي القمر، وكلنا فرحنا والوطن العربي كله فرح، يارب تبقي سعيدة ويحافظ عليكي وتتهني في حياتك يارب»، مؤكدة أنها ستبدأ تصوير مسلسلها الجديد خلال أيام، وهو مكون من عشر حلقات.