بعد فترة طويلة من الغياب، فاجأت النجمة عبلة كامل جمهورها بتسجيل صوتي عبر برنامج «الصورة» على قناة النهار، حيث طمأنت جمهورها على حالتها الصحية ووجهت عدة رسائل مؤثرة لمتابعيها، وقالت عبلة: «أحب أشكر رئيس الجمهورية بقراره بعلاج الفنانين والحقيقة أنا سعدت بهذا القرار واتفاجئت ودي لفتة هايلة وحنونة منه، وأحب أطمن الناس اللي بحبهم وبيحبوني، أنا الحمد لله بخير كنت عملت عمليات قبل كده وبقيت بخير وكلها على نفقتي الخاصة، أنا مش محتاجة حاجة وإن شاء الله كلنا كده نكون أصحاء ومش محتاجين حاجة، وبشكر كل الناس اللي دعوا لي».
ووجهت عتابا لمنتقدي علاجها، وعلقت: «ليا عتاب على الناس اللي بحبهم اللي قالوا هي يعني عبلة كامل محتاجة فلوس، يعني رفقا بالقلوب، وعلى العموم أنا مسامحة وإن شاء الله نكون كلنا كويسين وبكرر شكري للسيد رئيس جمهورية على اللفتة الكريمة». وحذرت عبلة كامل جمهورها ومحبيها أن ليس لديها صفحات على مواقع التواصل الاجتماعي، وقالت: «أنا مكنش ولا هيبقى عندي صفحة، لحد ما أقابل وجه كريم مفيش صفحات، أنا دائرتي مغلقة جدا وقافلة على نفسي واللي حواليا كمان دايرتهم مغلقة علينا، وأي تصريحات مش بتكون على لساني».