كشف الفنان أحمد مالك عن أسباب اندماجه الشديد في مشهد المشاجرة الشهير الذي قدمه في مسلسل «سوا سوا»، الذي يشارك في بطولته بجوار الفنانة هدى المفتي، ويحقق نجاحا كبيرا منذ بداية عرضه، وقال: «بفصل الشخصية اللي بجسدها عن شخصيتي الحقيقية، دي شغلانة، الدكتور بيمارس مهنته، وطبعا الدكاترة شغلتهم أهم بكتير، بينقذوا حياة بني آدم وإحنا بنعمل فن، يعني بقارن مهنة بمهنة، بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع للبسه ويطلع من اللوكيشن، خلاص دي شغلانة خلصتها، هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة، إني أبقى صادق وحقيقي، ويا رب الناس تصدق اللي أنا بحاول أقدمه».
وأضاف مالك، في تصريحات لبرنامج «et بالعربي»: «كل مشهد ظروفه مختلفة، ممكن يكون طالب حالة من السعادة أو الحزن، والواحد يكون ملتزم بده ويكون مقدر اللي حواليه ميقولش (أنا جوا المشهد ومجنون) ده غلط».
يذكر أن مسلسل «سوا سوا» بطولة: أحمد مالك، هدى المفتي، شريف الدسوقي، أحمد عبدالحميد، نهى عابدين، حسني شتا، خالد كمال، محمود السراج، عبدالعزيز مخيون، وتدور الأحداث حول امرأة تجد نفسها عالقة في منطقة رمادية قاتلة بين رجلين يمثلان نقيضين تماما، أحدهما يحبها بصدق وتفان، والآخر يرى في الحب مجرد امتداد لسطوته وقدرته على السيطرة.