كشف الفنان فتحي عبدالوهاب عن أسباب موافقته على إعادة تقديم شخصية «سميح الجلاد»، التي جسدها في الجزء الرابع من سلسلة «المداح»، وكذلك في الجزء السادس الذي يعرض حاليا، وقال: «لما بعمل شخصية وبلاقي رد الفعل كويس بحبها، وحبيت شخصية (سميح الجلاد) وكل الشخصيات اللي قدمتها، وبعترض على أجزاء من العمل بسبب تكرار الشخصية، لأن أنا عايز أقدم شخصيات كتيرة، ومبحبش أتحدد في أدوار معينة».
وأضاف عبدالوهاب: «حاجات كتيرة هي اللي خلتني أقدم (سميح الجلاد) تاني رغم صعوبتها، ومنها شركة الإنتاج اللي تواصلت معايا، وكنت شايف إن في ترحيب كبير من الجمهور، بالإضافة إلى عنصر مهم وهو الاجتماع اللي عملته مع أحمد سمير فرج المخرج، لأننا اتكلمنا في تطوير الشخصية والأدوات وأفكار كتيرة لتقديمها مرة أخرى، واعتمدنا على تناول درامي مختلف».