علقت الفنانة بشرى على الجدل الدائر بين الفنانين حول الأكثر مشاهدة في دراما رمضان الحالي، مقترحة حلا لتلك المشكلة، حيث قالت في منشور عبر خاصية القصص المصورة الملحقة بحسابها الخاص في «فيسبوك»: «اقتراح لرمضان المقبل لو هيبقى في إنتاج لـ 2027 ولفض النزاعات قرار من كل المنصات ان تكون كل المسلسلات 15 حلقة فقط»، وبررت اقتراحها قائلة: «عشان لو في منافسة تبقى على أساس وحق، إنما 15 بيتنافس مع 30 دي نكتة».
وكانت بشرى قد تحدثت خلال استضافتها في برنامج «أسرار» على قناة «النهار»، عن كواليس حياتها العاطفية، وإمكانية خوضها تجربة الزواج للمرة الرابعة، وقالت: «لو رجع بيا الزمن أتجوز خالد حميدة؟ آه، لأني حبيته، وده أكتر جوازة قلبي اشتغل فيها أكتر من عقلي»، لافتة إلى أنها لم تعد تشعر بنفس المشاعر حاليا، موضحة: «مبقتش بحبه دلوقتي، واللي خلاني أبطل أحبه إن مفيش تواصل، وهو أصلا مسافر أغلب الوقت ومش موجود، فمش هعيش لوحدي ومش همثل الجوازة يعني». وأردفت: «أنا معنديش مانع أتجوز للمرة الرابعة، واتعرض علي الجواز قريب بس لقيت الوضع مش مناسب لي».