كشفت الفنانة نرمين الفقي عن الأسباب التي دفعتها للمشاركة في مسلسل «أولاد الراعي»، الذي عرض في السباق الرمضاني المنقضي، وحقق نجاحا لافتا، وسبب قبولها تقديم دور الشر في دراما رمضان، وقالت: «لما اتعرض علي الدور كان عندنا 12 حلقة وده في حد ذاته حاجة كويسة، ولما قرأت خفت كتير من الشخصية وكنت متذبذبة، ولكن المسلسل مينفعش يتقال له لأ».
وأضافت الفقي، في ندوة لتكريم أسرة المسلسل: «الدور مختلف وجديد علي وحلو أن الفنان يجسد كل الشخصيات أو يجسد قدر المستطاع أعمال كتير، والدور طبعا كان صعب مش سهل وفيه تناقضات كتير بداية من مقتل ابنها، والشخصية كانت مجنونة بأولادها، وتحولت لامرأة كل اللي في دماغها عند وقوة وتوقع الدنيا في بعض، ده كان عايز أداء مختلف انكسار ووجع وقهر، إلا أن الموضوع تحول أنها بقت واضحة وصريحة والناس مش حابينها، وأنا شخصيا بقيت أقول للشخصية كفاية شر».