ما تبيض الصفحات.. والنوايا سود
وما ترتفع الأعناق.. دون الأخلاق
واللي تشوفه نقص وأنا أشوفه زود
.. واللي أشوفه زود ما له أسواق
واللي نبيعه بيوم ما هو ب مفقود
واللي ركب هالراس غصب ينساق
ودون الكرامة ما لنا منشود
ولأجل الكرامة.. نفتدي الأعناق
واللي بثمن ينشرى ولو فيه فود
باچر يبيعك.. ببضعة أوراق
إذا الأصل خيمة.. ف الشرف عامود
واذا الوفا سدره.. قلوبنا الساق
سبحانه اللي قسم الموجود
حتى الشرف ما بين الناس أرزاق
من يطلب العليا.. يحفر ب جلمود
واللي يبي الراحة.. بمرقده ما فاق
بعض البشر حلمه من العنب عنقود
وبعض البشر حلمه مع السحاب إعناق.
ويا مضيع دروبك.. الى اتجاهك عود
بعد المسافة ترى ينتهي ب فراق
ويا طيب المعشر مع خليلك جود
لا تنسى العشرة وتخفي الأشواق
خل الهوى والشوق وخافقي شهود
هل في أحد كثرنا بهالزمن عشاق؟
[email protected]