كشفت الفنانة نيكول سابا عن رأيها في عمليات التجميل، وهل من الممكن أن تخوض تلك التجربة أم لا، وقالت إنها ليست مهووسة بالتجميل وقد تكتفي بحقن البوتوكس والفيلر، لافتة إلى أنها من الوجوه المظلومة على الشاشة لأنها تظهر أكبر من سنها الحقيقية.
وأضافت نيكول، حسب مجلة «لها»: «أنا من الناس اللي بيتظلموا على الشاشة لأني ببان أكبر سنا وأتخن وبحتاج إضاءة معينة ،وممكن إحنا الفنانين لا ننام كثيرا ونصحى منفخين أو نصحى منفخين من كتر النوم، وفيه تفاصيل كتير، ولكن مش كل حاجة نشوفها نقول يا الله بوتكس وفيلر»، كاشفة عن رأيها في البوتوكس والفيلر، قائلة: «بعمل على قد ما بحتاج لكن معنديش هوس، ولكن الفكرة بتتظلمي لأن في ناس حلوة على الكاميرا وناس حلوة بالحقيقة، ولذلك لازم أقابل الملايين والمليارات علشان يشوفوني».
وعن خوفها من التقدم في السن، قالت: «بخاف ولكن مش بخليه هاجس ومش بخاف من السن والعجز لكن بخاف أفقد الطاقة، إنك تجري زي الشباب دي تمنها كبير ومش بخاف إن بشرتي تتكسر لكن بخاف طاقتي تقل لأني بجري وبروح وبعمل مشاوير فبخاف أفقد ده وده بيقلقني من فكرة الكبر».
وحول سبب عدم ظهور ابنتها على «السوشيال ميديا»، أكدت نيكول أنها تترك لها الحرية في ذلك، لكنها تخاف من انتقادات البعض. إذ قالت: «عدم ظهور ابنتي على السوشيال ميديا له أسباب، وعندما أشعر أننا استطعنا أن نقاوم السوشيال ميديا ستظهر، وأنا أخاف من قلة الأدب وانفتاح مواقع التواصل، ومجرد إن حد ميعرفكش أو مش عارفك يقعد يكتب يمين وشمال خاصة على أطفالنا ده شيء مؤذي، وأنا دائما أخاف على بنوتي».
وعن كيفية تعاملها مع الانتقادات التي تطولها على «السوشيال ميديا»، قالت سابا: «لا أرد على الانتقادات وبكبر دماغي، أنا مش فاضية وعندي شغلي غير إن الشخص اللي بينتقد لو شاف أي ممثل هيروح يتصور معاه عادي».